ان كان قلبك عايف الود يا فلان ,, ربي يسهل لك دروبك ويحفظك
وان كان قلبك جازى حبي بنكران ,, ماجبرك انا في الحب يا فلان ماجبرك
***********
لا تظن يوم برجع بشتريك .... لو بكيت دم ما عندي مجال
سهم صوبته بإيدك رد فيك ... والنهايه جت وهجرانك حلال
**********
لا تحسب اني عقبكم في ندامه ,, ماني على حب المقفين ندمان
من باعنا بالرخص نرخص مقامه ,, نشطب عليه ونتركه دوم عنوان
**********
عمر الندم ما يشفي الجرح مادام .. مسحت دمعات الندم في يديه
خل الشموخ اللي بنيته بالاوهام .. يشبع غرورك كل صبح ومسيه
**********
طوفت لك يا صاحبي كل ما صار .. خلاص مالي فيك منته بذوقي
مالك على مطلب ولا لك على ثار .. اخترت انا بعدك بابسط حقوقي
*********
منك نتعلم لعبة الصد ونصد ,, مدام قلبك والليالي علينا
منك نتعلم كيف مانحفظ الود ,, وشوف منا ماتسويه فينا
الحيــن لازم تاخذ المسأله جد ,, علمتنا نقسى و شفنا قسينا
