ولهت الفجر ياليل الذهول اللي علـي أظلمـت
بعرضك واقع الذكرى عليه عـرض الأفلامـي
وولهتك يالنديم اللي على صافي وفاك أضرمـت
بصفحة ذكريات العام واللي مـن ورى العامـي
نهاري : حر شمسه ؛يستحي منها لسان الشمـت
ليلي ترجم نجومـه ملامـة كـل مـن لامـي
على ضو الكلام اللي كشف عنا ستار الصمـت
وعرفت إن به وجيه باليمـن ووجيـه بالشامـي
أحسب إنك تيمـم باتجاهـي ويـن مـا يممـت
أثر لا أنته ورايه بالطريـق ولا أنـت قدامـي
كثر ماحن صدري للونيس وكثـر مادرهمـت
فجع صدري حنيني وأتعـب الأقـدام درهامـي
مصيبة لاتردت قيمتك فـي عيـن مـن قيمـت
يشوفك بالسهل وأنته تشوفـه بالسمـا السامـي
مادام إن جانبي شام لجنابك وأنت عنـي شمـت
كثر خيرك ؛ وأنا لانيـب لاجايـع ولا ضامـي
أشوف إنه علـي واجب؛إليـا مريتكـم سلمـت
مرور كرام تربطها الكرامـه عنـد الأكرامـي
على شان الخفوق اللي على عرشه قعدت وقمت
حجب عنك الدجا لين اشرقت لك بيض الأيامي
مصير الوقت يشرح لك ظروفه لاغفلت ونمـت
يصحيك الزمان اللي يصحي كـل مـن نامـي
تعرفني لمنها ضاعت أوهامـك بمـن وهمـت
عرفت الفرق في حب الخشوم وحب الأقدامـي
ختام السالفة ياطيـب العشـرة كرمـت ودمـت
هذا حقك علي وحق شرهاتـي علـى أوهامـي

في كل عيد تمر علي ذكراك وابكي،، 
أبوي ذكراك لازال باقي في بالي..

اتصبر طول أيام السنه لحالي،،
وليلة العيد بليا شعور دموعي تهلّي..
غصبا علي مالي حيلة شسوي،، 
أحبك وأعزك دووم بقلبي غالي..